அரபுக்கல்லுாரிகளுக்கு இலங்கை தடைவிதிப்பு

/files/detail1.png

அரபுக்கல்லுாரிகளுக்கு இலங்கை தடைவிதிப்பு

  • 0
  • 0

 

இலங்கையில் புதி­தாக அர­புக்­கல்­லூ­ரிகள் நிறு­வப்­ப­டு­வதைத் தடை­செய்­வ­தற்கும், தற்­போது இயங்கிக் கொண்­டி­ருக்கும் அர­புக்­கல்­லூ­ரிகள் அனைத்தையும்  கண்­கா­ணிப்­ப­தற்கும்  அஞ்சல் சேவைகள் மற்றும் முஸ்லிம் சமய விவ­கார அமைச்சகம் தீர்மானித்துள்ளது.

அன்மைக்காலமாக இலங்கையில் மத ரீதியான தீவிரவாதக் கொள்கைகள் அதிகரித்து அதன் ஊடாக இன ரீதியான முரண்பாடுகளை தோற்றுவிக்கும் சம்பவங்கள் நடைபெற்றுவருவதாக சந்தேகங்கள் எழுந்துள்ள நிலையில்,  புதிய அரபு கல்லூரிகளை நிறுவ அரசாங்கம் தடைவிதித்துள்ளதுடன்  சகல அரபுக் கல்லூரிகளையும் அரசாங்கத்தின் கீழ் கொண்டுவந்து கண்காணிக்க நடவடிக்கை எடுக்கப்பட்டுள்ளதாக தகவல்கள் வெளியாகியுள்ளது.

இது குறித்து நாட்­டி­லுள்ள அர­புக்­கல்­லூ­ரிகள் தொடர்பில் அஞ்சல் சேவைகள் மற்றும் முஸ்லிம் சமய விவ­கார அமைச்சர் எம்.எச்.ஏ. ஹலீம் கருத்து தெரிவிக்­கையில்;

நாட்டில் சுமார் 300 அர­புக்­கல்­லூ­ரிகள் இயங்கி வரு­கின்­றன. இவற்றில் பல, முஸ்லிம் சமய பண்­பாட்­ட­லு­வல்கள் திணைக்­க­ளத்தில் பதிவு செய்யப்பட்டில்லை. திணைக்­க­ளத்தில் பதிவு செய்து கொண்­டுள்ள அர­புக்­கல்­லூ­ரி­களும் ஒழுங்­காக கண்­கா­ணிக்­கப்­ப­டு­வ­தில்லை. அவற்றின் செயற்பாடுகள் பற்றி அறிந்து கொள்ள முடி­யா­துள்­ளது.

திணைக்­க­ளத்தில் பதிவு செய்­யப்­பட்­டுள்ள மற்றும் பதிவு செய்­யப்­ப­டாத பல அர­புக்­கல்­லூ­ரிகள் வெளி­நா­டு­களில் இருந்து நிதி­யு­த­வி­களைப் பெற்று வருகின்­றன. அந்­நிதி எவ்­வாறு செல­வ­ழிக்­கப்­ப­டு­கி­றது என்றும் அறிய முடி­யா­துள்­ளது. அதனால் புதி­தாக அர­புக்­கல்­லூ­ரிகள் ஸ்தாபிக்­கப்­ப­டு­வது நிறுத்தப்பட்டு, தற்­போ­துள்ள அர­புக்­கல்­லூ­ரிகள் அபி­வி­ருத்தி செய்­வ­தற்­கான நட­வ­டிக்­கைகள் முன்­னெ­டுக்­கப்­படும் என்றார்.

இன்­றைய சூழ்­நிலையில் அர­புக்­கல்­லூ­ரிகள் சில­வற்றின் மீது ஏனைய சமூகம் சந்­தேகம் கொண்­டுள்­ளது. முஸ்­லிம்கள் நாட்­டுப்­பற்­றுள்­ள­வர்கள், தீவிரவா­தத்­துக்கு எதி­ரா­ன­வர்கள், இஸ்லாம் நல்­லி­ணக்­கத்­தையும், நல்­லு­ற­வை­யுமே வலி­யு­றுத்­து­கி­றது என்­பதை நாம் நிரூ­பிக்க வேண்டும்.

அர­புக்­கல்­லூ­ரி­களை வக்பு சபையின் கீழ் பதிவு செய்­வதன் மூலம் அவற்றை கண்­கா­ணித்து அபி­வி­ருத்தி செய்­ய முடியும் எனவும் அமைச்சர் குறிப்பிட்டார்.

இதே­வேளை, இலங்கை அர­புக்­கல்­லூ­ரிகள் ஒன்­றி­யத்தின் தலைவர் மௌலவி எஸ்.ஏ.எம்.ஜவுபர் கருத்து தெரி­விக்­கையில்; இலங்கை அர­புக்­கல்­லூ­ரிகள் ஒன்­றி­யத்தில் 217 அர­புக்­கல்­லூ­ரிகள் பதிவு செய்து கொண்­டுள்­ளன. மேலும் 10 அர­புக்­கல்­லூ­ரிகள் பதி­வுக்­காக விண்­ணப்­பித்­துள்­ளன.

இந்நிலையில், புத்தளம் பகுதியில் மீட்கப்பட்ட ஆயுதங்களை தொடர்ந்து நடைபெற்ற விசாரணைகளின் பின்னர் புலனாய்வுப் பிரிவினரால் அரசுக்கு வழங்கப்பட்ட ஆலோசனைகளின் பிரகாரம் அரசாங்கம்  அரபுக்கல்லுாரிகளை தடை செய்ய முடிவு எடுத்துள்ளதாக  தகவல்கள் வெளியாகியுள்ளது.

Leave Comments

Comments (0)