சீர்காழியில் 15 வயது சிறுமி 4 பேர் கொண்ட கும்பலால் கூட்டுப் பாலியல் வன்கொடுமை

/files/detail1.png

சீர்காழியில் 15 வயது சிறுமி 4 பேர் கொண்ட கும்பலால் கூட்டுப் பாலியல் வன்கொடுமை

  • 0
  • 0

சீர்காழியில் 15 வயது பள்ளி மாணவி 4 பேர் கொண்ட கும்பலால் கூட்டுப் பாலியல் வன்கொடுமை செய்யப்பட்டு கொலை செய்யப்பட்டுள்ள சம்பவம் நடந்திருக்கிறது.

நாகை மாவட்டம், சீர்காழி அடுத்த கீழ்சட்டநாதபுரம் பகுதியைச் சேர்ந்தவர் அகிலா. இவர் நாங்கூர் அரசு மேல்நிலைப்பள்ளியில் 10ஆம் வகுப்பு படித்து வருகிறார். இந்நிலையில் நேற்று முன்தினம் (நவம்பர் 09) மாலை நேரத்தில் தனது வீட்டில் வளர்த்துவருகிற ஆடுகளைக் காணவில்லை என்று வீட்டிற்குப் பின்புறம் உள்ள வயல்வெளிக்குச் சென்று ஆடுகளைத் தேடியுள்ளார் அகிலா. அப்போது அங்கு வந்த 4 பேர் கொண்ட கும்பல் அகிலாவைக் கூட்டுப் பாலியல் வன்கொடுமை செய்து கொலை செய்துவிட்டுச் சென்றுள்ளனர்.

வயல்வெளிக்குச் சென்ற மகளை வெகுநேரமாகியும் காணவில்லை என்று அகிலாவின் தந்தை சென்று பார்த்தப்போது,  உடல் முழுவதும் காயங்களுடன் அகிலா இறந்துகிடந்துள்ளார்.

இதன்பிறகு காவல்நிலையத்தில் புகார் அளிக்கப்பட்டது. காவல்துறையினர் சம்பவ இடத்திற்கு வந்து அகிலாவின் உடலை மீட்டு பிரேதப் பரிசோதனைக்கு அனுப்பிவைத்தனர். பிரேதப் பரிசோதனையில் நான்கு பேர் அகிலாவை பாலியல் வன்கொடுமை செய்துள்ளனர் என்பது தெரியவந்துள்ளது. அவர்களை காவல்துறையினர் தேடி வருகின்றனர்.
 

Leave Comments

Comments (0)