மாட்டுக் கறியும் சாகித்திய அகாடமி விருதும் !

/files/IMG_20180116_130005_HDR-2021-02-20-20:43:52.jpg

மாட்டுக் கறியும் சாகித்திய அகாடமி விருதும் !

  • 7
  • 0

செல்வமணி .T


பீப் ப்ரை ,பீப் பிரியாணி ,பீப் சுக்கா என மாட்டுக் கறி விதவிதமான பதார்த்தமாக ,நாக்கில் எச்சில் ஊரும் சுவையுடனும் உண்ண கூடிய உணவுகளில் இதுவும் ஒன்று .


சைவம் சாப்பிடுபவர்கள் மட்டும் தான் சுத்தமானவர்கள் என்று போலி பிப்பத்தை எப்படி உருவாக்கி வைத்திருக்கிறார்களோ ! அதே போல்ஸ் அசைவத்திலும் கறி வகைகளில் கோழி ,ஆடு சாப்பிடுபவர்கள்கள் உயர்வானவர்கள் மாட்டுக்கறி ,பன்றிக்கறி என்கிற வார்த்தைகளை கேட்டாலே முகம் சுளிப்பவர்களும் உள்ளார்கள் .

ஒருவர் என்ன உடை உடுத்த வேண்டும் ,என்ன உணவு உண்ண வேண்டும் என்பதை அவர்கள் தான் முடிவு செய்ய வேண்டும் ,அடுத்தவர் தட்டிலும் ,அலமாரியில் இந்த சமூகத்துக்கும் ,அரசாங்கத்துக்கும் ,சாதிக்கும் ,மதத்துக்கும் என்ன வேலை ?



மற்றவர்களின் உழைப்பை சுரண்டி வாழும் ஒரு கூட்டத்தாரால் உருவாக்கப்பட்டதே சாதி ,மதம் ,சடங்கு ,சம்பிரதாய மூட பழக்க வழக்கங்கள் எல்லாம் !


இப்படி மக்களை ஒடுக்க ,அவர்களை எழுச்சியுறாமல் வைத்திடவே தீட்டு ,தீண்டாமை ,அசுத்தம் என்றெல்லாம் வழக்குகளை உருவாக்கினார்கள் .


இப்படி பட்டியல்  மக்களும் சிறுபான்மை இஸ்லாமியர்களும் மாட்டுக்கறியை உண்பதாலேயே அந்த உணவை இழிவாக சித்தரித்தும் ,மாட்டுக் கறி உண்ணும் தலித் ,இஸ்லாமியர்கள் மீது கொலை வெறி தாக்குதலையும் நடத்தி வருகிறார்கள் .


அப்படி இந்துத்வவாதிகளால் ஓடும் ரயிலில் மாட்டிறைச்சி உண்டார் என்பதற்க்காக ஹாபிஸ் ஜுனைதீன் என்பவர் அடித்துக் கொலை செய்யப்படுகிறார் .



இப்படி இந்தியா முழுவதும் இந்துவாவாதிகளால் பட்டியல் மற்றும் இஸ்லாமிய மக்கள் அடித்துக் கொல்லப் படும் நிகழ்வு தொடந்து அரங்கேறிக் கொண்டே தான் உள்ளது.


அதற்க்கு எதிராக மத்திய ,மாநில அரசுகள் இதுவரை எந்த நடவடிக்கையும் எடுத்த பாடில்லை !


ஏன் பிரதமரும் ,முதல்வரும் இந்த சம்பவங்களை கண்டித்து ,அப்பாவியாக உயிர் இழந்த அம்மக்களுக்கு இரங்கல் கூட தெரிவிப்பதில்லை .


விருது என்பது உழைப்பின் அங்கீகாரம் தான் என்றாலும் எதற்காக அந்த விருது வழங்கப் படுகிறது ,எவரால் அவ்விருது பெற்றுக் கொள்ளப் படுகிறது என்பதிலேயே அவ்விருதுக்கென்று தனி மதிப்பிற்கும் .



அப்படி தனக்கு கிடைத்த சாகித்ய அகாடமி விருது தொகையில் 99,997 ரூபாயை ரயிலில் அடித்து கொலை செய்யப்பட ஹாஃபிஸ் குடும்பத்திற்கு வழங்கியுள்ளார் எழுத்தாளர் ராமானுன்னி .


பரிசுத்த தொகையில் மீதமுள்ள மூன்று ரூபாயை மட்டும் தன் படைப்பிற்க்கான அங்கிகாரம் என்கிறார் .


மேலும் முஸ்லீம் என்ற காரணத்தால் கொல்லப்பட்ட குடும்பத்திற்கு உதவியதால் தான் தான் ஒரு உண்மையான ஹிந்து என்றும் கூறினார் .


உண்மையில் அவர் ஒரு ஹிந்து என்பதை நிரூபிக்க வில்லை அவர் ஒரு உண்மையான மனிதர் என்பதை அறுதியிட்டு உலகுக்கு வெளிப்படுத்தியுள்ளார் .

இந்த சம்பவம் மனிதநேயம் உள்ளவர்களுக்கும் ,மனிதநேயமற்றவர்களுக்கும் சமர்ப்பணம் .


மனிதத்தை மிஞ்சியது இவ்வுலகில் எதுவுமில்லை !

Leave Comments

Comments (0)